مملکت کے مختلف علاقوں سے منشیات ضبط ، کئی افراد گرفتار
مملکت کے مختلف علاقوں سے منشیات ضبط ، کئی افراد گرفتار
اتوار 30 اپریل 2023 20:07
دمام پولیس نے نشہ آور پاؤڈر ضبط کیا ہے۔ (فوٹو عاجل)
سعودی عرب کے متعلقہ حکام نے الشرقیہ، جازان، عسیر ریجنوں اور دمام نیز جدہ میں مختلف قسم کی نشہ آور اشیا کی سمگلنگ اور دھندے میں ملوث مقامی شہریوں، مقیم غیرملکیوں اور دراندازوں کو گرفتار کرلیا۔
سعودی خبررساں ادارے ایس پی اے، سبق، عاجل اور اخبار 24 نے ان کی تفصیلات دیتے ہوئے بتایا ہے کہ الشرقیہ ریجن کی کمشنری حفر الباطن کے سیکیورٹی دستوں نے نشہ آور پاؤڈر کا دھندا کرنے والے 8 پاکستانیوں اور دو مقیم بنگلہ دیشیوں کو گرفتار کرلیا۔
سعودی محکمہ انسداد منشیات سپیشل مہم چلائے ہوئے ہے۔ (فوٹو سبق)
سعودی محکمہ انسداد منشیات کے اہلکار ان دنوں مملکت بھر میں نشہ آور اشیا کے تباہ کن اثرات سے معاشرے کو آگاہ کرنے اور بچانے کے لیے سپیشل مہم چلائے ہوئے ہیں۔
الشرقیہ ریجن میں دمام پولیس نے نشہ آور پاؤڈر کا دھندہ کرنے والے ایک مقیم پاکستانی کو گرفتار کرلیا۔
منشیات کی بڑی کھیپ اسمگل کرنے کی کوشش ناکامNode ID: 760941
