پیرو میں 13 ہزار ڈالر کے جوتے چوری مگر سب ’ایک ہی پاؤں کے‘ نکلے
چو دکان میں ڈسپلے پر رکھے گئے 200 جوتے اٹھا کر فرار ہو گئے (فوٹو: فری پک)
جنوبی امریکہ کے ملک پیرو میں چوری کی ایسی واردات پیش آئی جو بظاہر تو کامیاب تھی لیکن چوروں کو کوئی فائدہ نہ دے سکی۔ زرا سی بےدھیانی چوروں کی حکمت عملی پر پانی پھیر گئی۔
ہوا کچھ یوں کہ پیرو کے وسطی شہر میں تین چورں نے ایک سٹور سے ڈسپلے پر رکھے گئے 13 ہزار کے جوتے چُرائے لیکن وہ سب کے سب دائیں پاؤں کے تھے۔
برطانوی نشریاتی ادارے کی رپورٹ کے مطابق چوروں نے دکان میں ڈسپلے پر رکھے گئے 200 جوتے اٹھائے جن کی مالیت 13 ہزار ڈالر تھی۔
ان جوتوں کو بیچ کر وہ یقیناً مالی فائدہ حاصل کر سکتے تھے لیکن یہ تمام ہی دائیں پاؤں کے تھے۔
یہ واضح نہیں کہ اُن سے یہ غلطی جلدبازی میں سرزد ہوئی یا شاید اُن کا مقصد صرف دائیں پاؤإں کے جوتے چُرانا ہی تھا۔
کیمروں سے حاصل کی گئی فوٹیج میں دیکھا جا سکتا ہے کہ چور آدھی رات کو دکان کے شٹر کا تالہ توڑتے ہیں اور ٹرائی سائیکل کا استعمال کرتے ہوئے مختلف برینڈز کے ٹرینرز کے ڈبے لے جاتے ہیں۔
مقامی پولیس کے سربراہ ایڈوان ڈیاز نے مقامی میڈیا کو بتایا کہ ’ہم نے جائے وقوعہ سے شواہد اکٹھے کیے ہیں۔ اس ڈکیتی کی غیر معمولی بات یہ ہے کہ صرف دائیں پاؤں سے جوتے چوری کیے گئے ہیں۔‘
چوری کر کے غریبوں میں بانٹنے والا انڈیا کا ’رابن ہُڈ‘ گرفتارNode ID: 723031
گاڑی کو چوروں کی پہنچ سے دور رکھیں، مگر کیسے؟Node ID: 758011
