سرکاری خبررساں ادارے ایس پی اے کے مطابق وزارت حج و عمرہ نے بیان میں کہا کہ عمرہ ای ویزے کے لیے نسک پلیٹ فارم https://www.nusuk.sa/ar/about پر درخواست دی جا سکتی ہے۔
بیان میں کہا گیا کہ’ نسک پلیٹ فارم کے ذریعے کارروائی مشکل نہیں۔ دنیا بھر کے مسلمان مکہ مکرمہ اور مدینہ منورہ آنے کے لیے اس پلیٹ فارم کے ذریعے ای عمرہ ویزا جاری کراسکتے ہیں‘۔
’نسک پلیٹ فارم کی مدد سے رہائش اور ٹرانسپورٹ کی سہولت حسب مرضی حاصل کی جاسکتی ہیں‘۔
وزارت کا کہنا ہے کہ ’نسک پلیٹ فارم کے ذریعے متعدد زبانوں میں مطلوبہ اہم معلومات حاصل کی جاسکتی ہیں اور یہ سہولت چوبیس گھنٹے دستیاب ہے‘۔
یاد رہے کہ وزارت حج و عمرہ اس سے قبل اعلان کرچکی ہے کہ جی سی سی ممالک میں مقیم غیرملکی اسی طرح امریکہ، برطانیہ اور شنگن ممالک کے ویزا ہولڈرز سیاحتی ویزاحاصل کرکے عمرے کے لیے آسکتے ہیں۔
وزارت کا کہنا ہے کہ’ زائرین کو مملکت آمد سے قبل نسک ایپ پر ریاض الجنہ کی زیارت اور عمرے کی بکنگ کی سہولت ہوگی‘۔
عمرہ ویزے کی میعاد 30 دن سے بڑھا کر نوے دن کردی گئی ہے (فوٹو: روئٹرز)
وزارت حج و عمرہ کے مطابق مملکت میں مقیم غیرملکیوں کے فیملی ویزا ہولڈر اسی طرح کسی سعودی شہری کی میزبانی میں وزٹ ویزے پر آنے والے اور اسی طرح ٹرانزٹ ویزا ہولڈر بھی نسک ایپ کے ذریعے عمرہ اور زیارت کرسکتے ہیں‘۔
یاد رہے کہ وزارت حج و عمرہ نے عمرے کا دائرہ وسیع کرنےکے لیے متعدد سہولتوں کا اعلان کیا ہے ان میں عمرہ زائرین کی انشورنس فیس میں 63 فیصد کمی شامل ہے۔
وزارت حج و عمرہ نے کہا ہے کہ ’چوبیس گھنٹے میں عمرہ ویزے کا اجرا اور عمرہ ویزے کی میعاد 30 دن سے بڑھا کر نوے دن کردی گئی ہے‘۔
عمرہ ویزے کے لیے صحت شرائط ختم کردی گئی ہے۔ اسی طرح خواتین کے لیے محرم کی شرط بھی اب نہیں ہے۔ عمرہ ویزے پر آنے والوں کو مملکت بھر میں جانے کی اجازت دی گئی ہے۔
2022 کے دوران دو کروڑ 47 لاکھ افراد نے عمرہ ادا کیاNode ID: 774096
مسجد نبوی میں ایک ہفتے کے دوران 42 لاکھ سے زیادہ زائرینNode ID: 777196
