گاڑی  کو جلانے اور واقعے کی وڈیو بنانے والا گرفتار

وادی الدواسر پولیس نے گاڑی کو آگ لگانے والے اور واقعے کی وڈیوبنا کراسے سوشل میڈیا پروائرل کرنے پردوسعودی شہریوں کوگرفتار کرلیا ۔

سبق نیوز کے مطابق ریجنل پولیس کے ٹوئٹراکاونٹ پرجاری بیان میں کہا گیا ہے کہ وادی الدواسرمیں ایک سعودی نے کسی بات پراختلاف پراپنے دوست کی گاڑی میں آگ لگا دی۔

گاڑی کو نذرآتش کیے جانے کے واقعے کی وڈیو وہاں موجود ایک شخص نے بنائی اوراسے فوری طورپرسوشل میڈیا پروائرل کردیا۔

پولیس نے دونوں افراد کے خلاف کارروائی کرتے ہوئے انہیں حراست میں لے لیا۔ جس نے گاڑی کونذرآتش کیا تھا اس پرنجی املاک کو نقصان پہنچانے اورامن عامہ کی خلاف ورزی کا مقدمہ درج کرلیا گیا۔

واقعے کی وڈیو بنانے والے کوپولیس نے سائبرکرائم کنٹرول یونٹ کے ذریعے تلاش کیا اوراسے سائبرکرائم کے جرم میں حراست میں لے لیا گیا۔

دونوں ملزمان کے خلاف ابتدائی رپورٹ درج کرنے کے بعد انہیں پراسیکیوشن کے ادارے کے حوالے کردیا گیا جہاں ان سے تحقیقات کے بعد چالان کرمنل کورٹ میں جمع کرایا جائے گا۔