سعودی عرب کے علاقے العلا اور املج میں مینگو فیسٹول

سعودی عرب میں العلا گورنریٹ نے مینگو ویک کا آغاز کیا ہے۔ آم العلا کی اہم زرعی مصنوعات میں سے ایک ہے۔

عرب نیوز کے مطابق یہ تقریب العلا میں المنشیہ فارمرز مارکیٹ میں روزانہ شام 7 بجے سے رات 11 بجے تک جاری رہتی ہے۔

مقامی طور پر اگائی جانے والی پیداوار کی مسابقت کو بہتر بنانے کے لیے یہ رائل کمیشن آف العلا انیشیٹو حصہ ہے۔

مملکت کے شمال مغرب میں واقع العلا گورنریٹ آم پیدا کرنے والے متعدد فارمز کا گھر ہے۔ یہ پھل ایک سپر فوڈ سمجھا جاتا ہے کیونکہ اس میں 20 سے زیادہ مختلف وٹامنز اور منرلز ہوتے ہیں۔

یہ  اپنے سنتری، میٹھے لیموں، چونے، ٹینجرین، انار اور انگور کے لیے بھی جانا جاتا ہے۔

واضح رہے کہ اسی طرح کا ایک فیسٹول املج میں بھی منعقد کیا جا رہا ہے۔

چار روزہ املج ایونٹ میں آم کے 24 کاشتکار نمائش میں حصہ لیں گے جو روزانہ شام 5 بجے سے رات 10 بجے تک جاری رہے گی۔

اس نمائش کا اہتمام وزارت ماحولیات، پانی اور زراعت کے تبوک علاقائی بیورو نے کیا ہے جس کی نمائندگی صوبائی وزارت ماحولیات کے دفتر نے کی ہے۔

رائل کمیشن آف العلا کے مطابق آم سعودی عرب میں کھجور اور لیموں کے بعد تیسری اہم ترین زرعی پیداوار ہے۔

درآمد شدہ آم کے درختوں کی کئی اقسام بھی مملکت میں کامیابی کے ساتھ اگائی جاتی ہیں۔ جازان کے کسان کئی سالوں سے ان کی کاشت کر رہے ہیں۔