دبئی سمیت کئی علاقے بارش اور گردوغبار کے طوفان کی زد میں

متحدہ عرب امارات میں دبئی سمیت بیشتر علاقے سنیچر کو بارش، تیزہواوں اور گرد وغبار کے طوفان کی کی زد میں رہے۔

موسمیات کے قومی مرکز نے خراب موسمی صورتحال اس ہفتے کے آخر تک جاری رہنے کا انتباہ دیا گیا ہے۔

امارات الیوم کے مطابق موسمیات کے قومی مرکز نے خراب موسم کے ساتھ دبئی اورالعین سمیت ریاست کے مختلف حصوں میں 45 کلومیٹر فی گھنٹہ کی رفتار سے ہوائیں چلنے کی پیش گوئی کی تھی۔ سنیچر کی سہ پہر کے علاوہ اتوار اور پیر کو بھی بارش کا انتباہ جاری کیا گیا ہے۔

شارجہ پولیس نے ایک الرٹ جاری کیا جس میں شہریوں اور مقیم غیر ملکیوں سے کہا گیا کہ’ وہ بارش کے دوران ڈرائیونگ میں احتیاط کریں اور حکام کی طرف سے جاری کردہ ہدایات پرعمل کریں‘۔

ابوظبی پولیس نے دبئی سے العین روڈ پر رفتار کی حد عارضی طور پر140 کلومیٹر فی گھنٹہ سے کم کرکے 120 کلومیٹر فی گھنٹہ کر دی ہے۔

ڈرائیورں سے کہا گیا کہ ’وہ بارش  کے باعث احتیاط کریں‘۔

ٹوئٹر پرسوشل میڈیا صارفین نے امارات میں بارش اور گردو غبار کے طوفان کی تصاویر اور وڈیوز شیئرز کی ہیں۔

ایک خاتون نے ٹوئٹر پر لکھا ’اس وقت دبئی ریت کے طوفان کا سامنا کررہا ہے جس کی وجہ سے حد نگاہ انتہائی کم ہوگی ہے۔  متحدہ عرب امارات کے کچھ حصوں میں ہفتے کے آخر میں آبر آلو د موسم متوقع ہے‘۔

العربیہ نیٹ کے مطابق دبئی کی ایک خاتون نے نام ظاہر نہ کرنے کی شرط پر بتایا کہ ’انھوں نے دبئی میں اپنے بلندوبالا اپارٹمنٹ سے پہلی مرتبہ شدید بارش اور تیز ہوائیں دیکھی ہیں‘۔

ان کا کہنا تھا’یہ بہت خوف ناک منظر تھا۔ ہم بیٹھے ہوئے تھے اور بیڈروم سے باہر دیکھ رہے تھے کہ اچانک طوفان آیا۔ عمارت کی تمام بالائی منزلوں کی بالکونیوں سے اشیا اور کپڑے اڑتے ہوئے دیکھ سکتے تھے‘۔