’بے وقوف کیوں کہا‘ کویت میں نکاح کے تین منٹ بعد طلاق

کویت میں دلہن نے نکاح کے فوری بعد ہی عدالت سے نکاح  فسخ کرنے کی درخواست کردی۔ 

عکاظ اخبار کے مطابق نکاح کی قانونی کارروائی مکمل ہونے پر جوڑا عدالت سے نکل رہا تھا اسی دوران دلہن کسی چیز سے الجھ کر گر گئی۔ یہ دیکھ کر دولہا نے اسے ’غبیہ‘ (بے وقوف) کہہ دیا۔ 

دلہن اس مذاق پر ناراض ہوگئی۔ اس نے فوری طور پر جج  سے فسخ  نکاح کی درخواست کی۔

جج نے درخواست قبول کرتے ہوئے نکاح کے ٹھیک تین منٹ بعد فسخ نکاح کی دستاویز جاری کردی۔ 

بتایا جاتا ہے نیا جوڑا کویت میں مقیم ہے۔ دونوں نکاح کے بعد ابھی شوہر اور اہلیہ کی حیثیت سے عدالت سے باہر نہیں آئے تھے کہ علیحدگی کا فیصلہ ہوگیا۔

اسی تناظر میں اسے کویت کی تاریخ کا مختصر ترین نکاح  قرار دیا جا رہا ہے۔