پاکستان بحریہ کے نئے سربراہ ایڈمرل نوید اشرف نے کمانڈ سنبھال لی
سابق چیف ایڈمرل نے ایڈمرل نوید اشرف کو بطور چیف آف دی نیول سٹاف تعیناتی پر مبارکباد دی (فوٹو:پاکستان نیوی)
ایڈمرل نوید اشرف نے پاکستان کے 23 ویں چیف آف دی نیول سٹاف کے طور پر کمانڈ سنبھال لی ہے۔
پاکستان کے بحریہ کے ڈائریکٹوریٹ سے جاری بیان کے مطابق ’سنیچر کو پی این ایس ظفر اسلام آباد میں تبدیلی کمان کی تقریب منعقد ہوئی جس میں ایڈمرل محمد امجد خان نیازی نے اپنی مدت ملازمت مکمل ہونے پر کمان ایڈمرل نوید اشرف کے حوالے کی۔‘
بیان کے مطابق سبکدوش ہونے والے نیول چیف ایڈمرل محمد امجد خان نیازی نے اپنے الوداعی خطاب میں کہا کہ آج پاک بحریہ پاکستان کی مسلح افواج کا ایک مضبوط اور اہم بازو ہے، جو ملکی بحری سرحدوں کی حفاظت کرنے اور دشمن کے دل میں دھاک بٹھانے کی بھرپور صلاحیت رکھتی ہے۔‘
’سابق چیف ایڈمرل نے ایڈمرل نوید اشرف کو بطور چیف آف دی نیول سٹاف تعیناتی پر مبارکباد دی اور پاک بحریہ کو نئی بلندیوں تک لے جانے کے لیے آنے والے امیرالبحر پر مکمل اعتماد اور ان کے لیے نیک خواہشات کا اظہار کیا۔‘
’کمان کی تبدیلی کی تقریب میں سینئر سرکاری حکام، سابق نیول چیفس، پاک بحریہ کے حاضر سروس اور ریٹائرڈ افسران، سی پی اوز/ سیلرز اور سول ملازمین نے شرکت کی۔‘
پاکستان نیوی نے 8.6 ارب روپے مالیت کی منشیات قبضے میں لے لیNode ID: 722201
پاکستان بحریہ کے بیڑے میں دو نئی جنگی جہاز شاملNode ID: 781226
وائس ایڈمرل نوید اشرف پاکستان بحریہ کے نئے سربراہ مقررNode ID: 800611
