کیا آپ نے پہلے عجیب وغریب شکل کا یہ پرندہ دیکھا ہے؟

سعودی عرب میں سوشل میڈیا پر نایاب قسم کے پرندے کی ایک وڈیو سوشل میڈیا پر وائرل ہے۔ 

العربیہ نیٹ کے مطابق  وڈیو میں عسیر ریجن میں خمیس مشیط کا شہری ایک پرندہ  دکھا تے ہوئے کہہ رہا ہے ’اس نے عجیب و غریب شکل کا یہ پرندہ پہلے کبھی نہیں دیکھا۔‘

سوشل میڈیا صارفین  بھی اس پرندے کے حوالے مختلف سوالات کررہے ہیں۔ 

ایک صارف کا کہنا ہے’ یہ پرندہ ’السبد‘ کہلاتا ہے۔ اس کا لقب ’ملھی الرعیان‘ ہے۔ یہ پرندہ خود کو بیمار یا زخمی ظاہر کرتا ہے۔ اسے دیکھ کر یہ تاثر ملتا ہے کہ یہ اڑ نہیں سکتا۔‘

ایک  اور صارف نے بتایا ’سعودی عرب میں یہ پرندہ نہیں ہوتا۔ یہاں السبد نامی جو پرندہ پایا جاتا ہے۔ اس کا رنگ چمکیلا ہوتا ہے اور وہ رات کا نایاب پرندہ ہے۔‘

جنگلی حیاتیات کے قومی مرکز نے ایکس اکاؤنٹ پر بیان میں کہا کہ ’یہ السبد نسل کے پرندوں میں سے ایک ہے جسے مقامی لوگ ’ملھی الرعیان‘ کے نام سے جانتے ہیں۔‘

’سعودی عرب میں اس قسم کے پرندے نقل مکانی کرکے آتے ہیں۔ اس کی بعض نسلیں مملکت کے جنوب مغرب کے پہاڑی علاقوں میں پائی جاتی ہیں۔‘

بیان میں کہا گیا کہ ’تہامہ کے میدانی علاقوں میں بھی اس قسم کے پرندے موجود ہیں۔‘

یاد رہے کہ السبد پرندہ دنیا بھر میں پایا جاتا ہے۔ اس نسل کے بیشتر پرندوں کے پنجے چھوٹے ہوتے ہیں۔ اس کے پر لمبے اورسنہرے رنگ کے ہوتے ہیں۔