جدہ سمیت متعدد شہروں میں بارش، ہنگامی حالت کا نفاذ

جدہ میں گزشتہ رات شہر کے مختلف محلوں میں ہلکی اور درمیانے درجے کی بارش ہوئی ہے۔

سبق ویب سائٹ کے مطابق شہر کے جنوبی حصے کے علاوہ طریق الحرمین اور مشرقی علاقوں میں بارش کی وجہ سے پانی سڑکوں میں جمع ہوگیا۔

ادھر محکمہ ٹریفک ، محکمہ شہری ہوا بازی اور میونسپلٹی نے ہنگامی حالات کا اعلان کرتے ہوئے انتہائی مستعد رہے۔

محکمہ شہری دفاع نے کہا ہے کہ ’کسی بھی ہنگامی حالت سے نمٹنے کے لیے شہر کے 72 مختلف علاقوں میں امدادی ٹیمیں مقرر کر رکھی تھیں‘۔

دریں اثنا گزشتہ رات مکہ مکرمہ شہر کے علاوہ قرب و جوار کے متعدد علاقوں میں کہیں تیز کہیں درمیانے درجے کی بارش ہوئی ہے۔