سعودی کابینہ میں صاف توانائی کے فروغ کےلیے سعودی جاپانی ’منار‘ انیشیٹو کا جائزہ

سعودی کابینہ نے منگل کو صاف توانائی کے فروغ کےلیے سعودی جاپانی ’منار‘ انیشیٹو کا جائزہ لیا ہے۔

خبر رساں ادارے ایس پی اے کے مطابق کابینہ کا اجلاس ریاض میں شاہ سلمان بن عبدالعزیز کی زیر صدارت ہوا ہے۔

کابینہ نے ’منار‘ انیشیٹو کی پیش رفت کو سراہا جو زیرو کاربن نیوٹرلٹی کے حصول کےلیے حکمت عملی اور منصوبے تیار کرنے کی کوششوں میں دنیا بھر کے ممالک کےلیے  ایک ماڈل کے طور پر کام کرسکتا ہے۔

یاد رہے کہ سعودی عرب کاربن کے اخرج کو کم کرنے اور نیٹ زیرو تک پہنچنے کا عزم رکھتا ہے۔

کابینہ کو ولی عہد شہزادہ محمد بن سلمان سے انڈیا کے وزیر اعظم نریندر مودی کے ٹیلی فونک رابطے سے آگاہ کیا گیا۔ رابطے کے دورگان دونوں مکوں کے تاریخی، سٹریٹجک تعلقات کے ساتھ علاقائی اور بین الاقوامی پیش رفت کا جائزہ لیا گیا تھا۔

اجلاس میں سعودی عرب اور متعدد دیگر ملکوں کی مشترکہ کمیٹیوں کے حالیہ کام پر بھی تبادلہ خیال کیا جس میں مشترکہ مفادات کے حصول، تعلقات کے فروغ اور وسیع سیاسی افق کی تلاش کےلیے مختلف شعبوں مں تعاون کو فروغ دینے سے متعلق مفاہمت کی یادداشتوں پر دستخط شامل ہے۔

کابینہ نے ایک سال کے دوران حاصل ہونے والی کا میابیوں پر بھی تبادلہ خیال کیا جن میں شہریوں کو اعلی معیار زندگی کی فراہمی، جامع ترقیاتی عمل کو جاری رکھنا اور مختلف شعبوں میں مملکت کی قیادت، مسابقت اور عالمی حیثیت کو مستحکم کرنا شامل ہے۔

کابینہ نے سیٹیزن اکاونٹ پروگرام کے نظام میں توسیع کا وعدہ کیا۔ اس توسیع میں سال 2024 کے اختتام تک پروگرام سے مستفید ہونے والوں کے لیے مسلسل مدد شامل ہوگی۔

کابینہ کے اجلاس میں متعدد فیصلوں کی بھی منظوری دی گئی ہے۔