پاکستان کرکٹ ٹیم کا دورہ آسٹریلیا، تین ون ڈے اور تین ٹی 20 میچز کا شیڈول جاری

پاکستان کرکٹ بورڈ (پی سی بی) نے آسٹریلیا کے دورے کا اعلان کر دیا ہے۔

پاکستان کرکٹ ٹیم رواں سال نومبر میں وائٹ بال سیریز کے لیے آسٹریلیا کا دورہ  کرے گی جس میں تین ون ڈے اور تین ٹی 20 میچز شامل ہوں گے۔

شیڈول کے مطابق چھ میچز کی سیریز 4 سے 18 نومبر کے درمیان آسٹریلیا کے چھ مقامات پر کھیلی جائے گی۔ تمام ون ڈے میچز دن اور رات میں ہوں گے جبکہ تینوں ٹی 20 میچز رات کو کھیلے جائیں گے۔

دونوں ٹیموں کے درمیان پہلا ون ڈے 4 نومبر کو میلبرن کرکٹ گراؤنڈ میں، دوسرا ون ڈے 8 نومبر کو ایڈیلیڈ میں اور تیسرا 10 نومبر کو پرتھ میں کھیلا جائے گا۔

آسٹریلیا اور پاکستان کے درمیان ٹی 20 سیریز کا آغاز 14 نومبر سے برسبین میں ہوگا، جبکہ دوسرا ٹی 20 16 نومبر کو سڈنی اورآخری 18 نومبرکو ہوبارٹ میں کھیلا جائے گا۔

پاکستان نے آخری بار آسٹریلیا میں 2016 میں ون ڈے سیریز کھیلی تھی جس میں آسٹریلیا کی ٹیم کامیاب رہی تھی۔