سعودی وزیر خارجہ برکس اجلاس میں شرکت کے لیے روس پہنچ گئے

سعودی وزیر خارجہ شہزادہ فیصل بن فرحان پیر کو برکس کے وزارتی اجلاس میں شرکت کے لیے روس کے شہر نزنی نوگوروڈ پہنچے ہیں۔

برکس کا وزارتی اجلاس منگل کو ہوگا۔ شہزادہ فیصل بن فرحان روسی ہم منصب کی دعوت پر شرکت کررہے ہیں۔

سرکاری خبر رساں ایجنسی ایس پی اے کے مطابق سعودی عرب کو برکس گروپ میں شرکت کی دعوت دی گئی ہے۔

سعودی وزیر خارجہ اجلاس کے دوران دوطرفہ ملاقاتوں میں برکس ممالک کے وزرا کے ساتھ مشترکہ دلچسپی کے امور اور ترجیحات، بین الاقوامی منظرنامے کی صورتحال اور دنیا کو درپیش چیلنجز پر تبادلہ خیال کریں گے۔

یاد رہے کہ سعودی عرب کو 2013 میں برکس گروپ مں شمولیت کی دعوت دی گئی تھی لیکن ابھی تک رکنیت اختیار نہیں کی ہے۔