سعودی سفیر نے قاہرہ میں مصری صدر کو اسناد سفارت پیش کیں

 سعودی عرب کے نئے سفیر صالح بن عیدالحصینی نے اتوار کو قاہرہ میں مصری صدر عبدالفتاح السیسی کو اسناد سفارت پیش کیں۔

سرکاری خبر رساں ایجنسی ایس پی اے کے مطابق سعودی سفیر نے مملکت کی قیادت کی جانب سے تہنیتی پیغام ،مصری عوام کی ترقی اور خوشحالی کی خواہش کا اظہار کیا۔

مصری صدر نے نئے سعودی سفیر کا پرتپاک خیرمقدم کیا اور سفیر کی حیثیت سے ان کے کردار کے لیے نیک خواہشات کا اظہار کیا۔

صدر السیسی نے بھی سعودی قیادت کے لیے تہنیت اور ان کی مسلسل ترقی اور خوشحالی کی خواہش کا اظہار کیا۔