برطانیہ میں سعودی فضائیہ کا شاندار ائیرشو
نمائش میں مملکت کے پویلین میں سعودی ثقافت کو بھی اجاگر کیا گیا(فوٹو، ایس پی اے)
سعودی شاہی فضائیہ نے برطانیہ میں شاندار ایئرشو پیش کیا جسے حاضرین نے بے حد سراہا ۔ فضائیہ کی نمائش ’آرآئی اے ٹی 2024 ‘ کے عنوان سے منعقد کی گئی تھی۔
سعودی خبررساں ایجنسی ’ایس پی اے ‘ کے مطابق برطانیہ میں منعقدہ انٹرنیشنل ایئرشو میں سعودی شاہی فضائیہ کے خصوصی دستے نے شرکت کی اور خوبصورت فضائی کرتب پیش کیے۔
ائیرشو کے ساتھ سعودی فضائیہ کے پویلین میں مملکت کی ثقافت کو اجاگرکرنے کےلیے ’سعودی قہوہ ‘ بھی حاضرین کو پیش کیا گیا علاوہ ازیں پویلین میں آنے والوں کو مختلف تحائف بھی دیئے گئے۔
بین الاقوامی ائیرشو میں 56 ممالک کی فضائیہ کی ٹیمیں شامل تھیں جس میں 253 طیاروں کے ذریعے مختلف نوعیت کے کرتب دکھائے گئے۔
واضح رہے گزشتہ برس ’آر آئی اے ٹی 2023 ‘ کی نمائش میں آنے والے شائقین کی تعداد ایک لاکھ 50 ہزار سے زائد تھی جومختلف ممالک سے فضائیہ کی نمائش اور ائیرشو دیکھنے کے لیے آئے تھے۔
