مکہ مکرمہ میں بارش کا سلسلہ جاری، مسجد الحرام میں زائرین کی دعائیں

سعودی عرب میں بارش کا سلسلہ جاری ہے۔  مکہ مکرمہ میں بدھ 4 ستمبر کو بھی گرج چمک کے ساتھ طوفانی بارش کی اطلاعات ہیں۔ 

الاخباریہ چینل کے مطابق مسجد الحرام میں زائرین نے بارش کے دوران طواف کرتے رہے۔

 وڈیو کلپس میں زائرین کو روحانی ماحول میں مسجد الحرام کے صحن اور مطاف میں دعائیں مانگتے دکھایا گیا ہے۔

واضح رہے حرمین شریفین انتظامیہ نے مسجد الحرام کی خدمت پر مامور متعدد سرکاری اداروں کے تعاون سے مسجد الحرام میں بارش  کے مسائل سے نمٹنے کے لیے ہنگامی سکیموں پر عمل درآمد شروع کررکھا ہے۔

حرمین شریفین انتظامیہ کی کوشش ہے کہ عبادت کے دوران زائرین کی سلامتی کو یقینی بنایا جائے۔

بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔