ریاض میں ہونے والے سنوکر ماسٹرز کا ٹائٹل جود ٹرمپ نے جیت لیا

ریاض میں ہونے والے  سعودی عرب سنوکر ماسٹرز چیمپئن کے مقابلوں میں ورلڈ نمبر ون جود ٹرمپ نے سیاہ گیند سے فیصلہ کن فائنل میں مارک ولیمز کے خلاف 9-10 سے سنسنی خیز کامیابی کے بعد ٹائٹل اپنے نام کر لیا۔

عرب نیوز کے مطابق ریاض کے گرین ہالز میں گذشتہ روز سنیچر کو 18 فریم کے مقابلے میں مارک ولیمز نے 62 پوائنٹس کی برتری حاصل کی تاہم جود ٹرمپ شاندار 72 کلیئرنس کے ساتھ فائنل جیت لیا۔

مقابلے جیتنے کے فوراً بعد عالمی شہرت یافتہ انگلینڈ کے سنوکر ماسٹر نے کہا ’اس طرح کے دباؤ کے مقابلے کے آخر میں ایسی کلیئرنس کے ساتھ اختتام یقینی طور پر میرے کیریئر کی بہترین جیت ہے۔

جود ٹرمپ نے مزید کہا ’ جب میں پوائنٹس میں نیچے گیا تو تھوڑی مایوسی اور بے اعتمادی تھی تاہم یہ زندگی بدل دینے والا ہفتہ ہے، کامیابی بہت اچھا احساس ہے اور میں جیت کر بہت خوش ہوں۔‘

ٹرمپ نے مزید کہا  یہ ایک ایسا مقابلہ تھاجس کا میں ہمیشہ انتظار کرتا ہوں، سنوکر کے اس دور میں اپنے ہم وطن مارک ولیمز یا ان جیسے کھلاڑیوں کے  مقابلے میں کھیلنا بھی ایک اعزاز کی بات ہے۔

ٹرمپ نے اپنے ہم وطن کھلاڑی ولیمز کو خراج تحسین پیش کرتے ہوئے کہا ’میں نے اتنے فاصلے سے کبھی کسی کا لانگ شاٹس نہیں دیکھا جیسا کہ مارک ولیمز نے اس میچ  میں کھیلا، وہ زیادہ بہتر کھلاڑی تھے لیکن میں خوش قسمتی سے میچ کلیئرنس لائن عبور کرنے میں کامیاب رہا۔

ریاض کے گرین ہالز میں شاندار فتح کے ساتھ ٹرمپ نے اپنے کیرئیر کا پانچواں بڑا ٹائٹل اور 29 ویں رینکنگ ایونٹ جیتنے کا اعزاز حاصل کیا ہے۔