سعودی قیادت نے لبنان کے حالیہ واقعات پر گہری تشویش کا اظہار کرتے ہوئے لبنان کی خود مختاری اور علاقائی سالمیت پر زور دیا ہے۔
سعودی قیادت نے لبنانی عوام کو فوری میڈیکل اور ریلیف ایڈ فراہم کرنے کی ہدایت کی تاکہ مشکل حالا ت میں ان کی مدد کی جا سکے۔
ایس پی اے کے مطابق وزرات خارجہ سے جاری بیان میں سعودی عرب نے لبنانی عوام کےلیے اپنی سپورٹ کا اعادہ کیا اور ان پر پڑنے والے انسانی اثرات کو کم کرنے کی ضرورت پر زور دیا۔
بیان میں سعودی عرب نے خطے میں مزید تنازعات اور سانحات کو روکنے کی اہمیت پر زور دیتے ہوئے بین الاقوامی برادری سے مطالبہ کیا گیا کہ وہ علاقائی امن وسلامتی کے تحفظ کے لیے اپنی ذمہ داریاں ادا کرے۔
