ریاض گورنریٹ نے مختلف وزارتوں اور سرکاری اداروں کے تعاون سے غیر قانونی طور پر عسکری وردیاں اور بیجز تیار اور فروخت کرنے والی 3 دکانوں کو سیل کردیا۔
مذکورہ دکانوں سے 1200 سے زائد مختلف سرکاری اداروں کی وردیاں اور بیجز ضبط کیے گئے۔
یہ دکانیں اس طرح کے ملبوسات تیار کرکے ضوابط کی خلاف ورزی کررہی تھیں نیز بغیر لائسنس عسکری وردیاں اور بیجز تیار کررہی تھیں۔
اللجنة الأمنية بإمارة #الرياض تصادر قرابة 1200 رتبة وشعارات عسكرية وتغلق 3 محال مخالفة.https://t.co/8YpCvPs8OO#إمارة_الرياض pic.twitter.com/wjBWaB8IeV
— إمارة منطقة الرياض (@emara_riyadh) October 10, 2024
سعودی خبررساں ادارے ’ایس پی اے‘ کے مطابق ریاض ریجن کے گورنر اور نائب گورنر کی ہدایات پر یہ آپریشن کیا گیا۔ سلامتی کمیٹی کی جانب سے نگرانی اور معائنے کی کارروائی کا فیصلہ کیا گیا تاکہ اس طرح کے کاروبار کو ختم کیا جاسکے اور خلاف ورزی کرنے والوں کے حوالے سے اقدامات کیے جائیں۔
اس آپریشن میں مختلف وزارتوں اور اداروں نے حصہ لیا جن میں وزارت نیشنل گارڈز، وزارت تجارت، ریاستی سلامتی کا ادارہ، ریاض ریجن کی پولیس، محکمہ پاسپورٹ، ریاض میونسپلٹی اور ریاض میں لیبر آفس کی ٹیمیں ہمراہ تھیں۔
