غیر قانونی طورپر عسکری وردی تیار کرنے والی دکان سیل
جمعرات 16 ستمبر 2021 18:45
تفتیشی ٹیم متعدد سرکاری اداروں پرمشتمل ہے (فوٹو، ٹوئٹر)
ریاض پولیس نے الخرج کمشنری میں غیر قانونی طورپرعسکری وردیاں تیار کرنے والی ایک دکان کو سیل کردیا-
تفتیشی اہلکاروں نے دکان سے 200 سے زیادہ عسکری سٹارز، میڈلز اور بیجز ضبط کرلیے-
سعودی خبررساں ایجنسی ’ایس پی اے‘ کے مطابق سیکیورٹی ٹیموں کی جانب سے ریاض ریجن کی مختلف کمشنریوں میں عسکری وردیاں فروخت کرنے والی دکانوں کی تفتیشی مہم جاری ہے-
تفتیش ٹیموں میں متعدد سرکاری اداروں کے اہلکار شریک ہیں- ان میں نیشنل گارڈز اور تجارت کی وزارتوں کے علاوہ ریاستی سلامتی کی جنرل پریذیڈنسی، ریاض میونسپلٹی ، محکمہ پاسپورٹ، سپیشل ٹاسک فورس، لیبرآفس اور الخرج میں سپیشل فورس کے اہلکار شامل-
یاد رہے کہ گورنر ریاض تفتیشی مہم کی نگرانی کررہے ہیں- ہدایات ہیں کہ غیر قانونی سرگرمیوں میں ملوث دکانداروں کے ساتھ قانونی کارروائی کی جائے-
