بحرین کے فرمانروا سے سعودی وزیر داخلہ کی ملاقات، سکیورٹی تعاون کا جائزہ

بحرین کے فرمانرو شاہ حمد بن عیسی آل خلیفہ نے بدھ کو قصر الصخیر میں سعودی وزیر داخلہ شہزادہ عبدالعزیز بن سعود بن نایف کا خیرمقدم کیا ہے۔

ایس پی اے کے مطابق شہزادہ عبدالعزیز بن سعود بن نایف نے سعودی قیادت کی جانب سے بحرین کی حکومت اور عوام کی ترقی وخوشحالی کےلیے نیک خواہشات کا اظہار کیا۔

بحرینی فرمانروا نے سعودی بحرینی کوآرڈینیشن کونسل کے تحت سکیورٹی کوآرڈینیشن کونسل کی کاوشوں کو سراہا۔

ملاقات میں دونوں ملکوں کے درمیان دوطرفہ تعلقات اور سکیورٹی تعاون کا جائزہ لیا گیا

اس موقع پرمعاون وزیر داخلہ ڈاکٹر ہشام بن عبدالرحمن الفالح، وزارت داخلہ کے انڈر سیکرٹری ڈاکٹر خالد بن محمد البتال اور دیگر عہدیدار بھی موجود تھے۔