مملکت کے کئی علاقے جمعرات اور جمعے کو بارش کی زد میں، جدہ میں سکول بند
جمعرات 31 اکتوبر 2024 0:03
کئی علاقے درمیانے درجے سے موسلاھار بارش کی زد میں رہیں گے۔(فوٹو: ایکس اکاونٹ)
سعودی عرب میں موسمیات کے قومی مرکز نے مکہ اور مدینہ سمیت کئی علاقوں میں جمعرات اور جمعے کو بارش کا امکان ظاہر کیا ہے۔
سبق نیوز کے مطابق بیان میں کہا گیا کہ کئی علاقے درمیانے درجے سے موسلاھار بارش کی زد میں رہیں گے۔
بارش کے ساتھ ژالہ باری، گرد آلود ہوائیں چلنے اور ساحل سمندر پر اونچی لہریں اٹھنے کا بھی امکان ہے۔
موسمیات کے قومی مرکز نے شہریوں اور رہائشیوں پر زور دیا کہ وہ موسم کی صورتحال کے حوالے سے سرکاری رپورٹ اور اپ ڈیٹس پر عمل کریں۔
علاوہ ازیں محکہ تعلیم جدہ نے غیر یقینی موسمی صورتحال کے باعث جمعرات 31 اکتوبر کو سکول بند کرنے کا فیصلہ کیا ہے۔
جدہ، رابغ اورخلیص کے سکولوں میں تعلیم مدرستی پورٹل کے ذریعے ہوگی۔ اساتذہ اور عملہ آن لائن ڈیوٹی دیں گے۔
محکمہ تعلیم نے سکول بند کرنے اور آن لائن تعلیم کا فیصلہ موسمیات کے قومی مرکز کی پیشگوئی کے حوالے سے کیا ہے۔
جدہ یونیورسٹی اور طائف یونیورسٹی میں بھی کلاسز معطل رہیں گی۔
مکہ سمیت کئی علاقوں میں منگل سے آئندہ ہفتے تک بارش کا الرٹNode ID: 880959
