شاہ سلمان اور ولی عہد شہزادہ محمد بن سلمان نے کمبوڈیا کے بادشاہ نورودوم سیہامونی کو ان کے ملک کے یوم آزادی کی تقریب پر مبارکباد دی۔
خبر رساں ادارے ایس پی کے مطابق اپنے پیغام میں شاہ سلمان نے کمبوڈیا کے بادشاہ کی اچھی صحت اور خوشی کے ساتھ ساتھ حکومت اور عوام دونوں کے لیے مسلسل ترقی اور خوشحالی کی نیک خواہش کا اظہار کیا۔
ولی عہد شہزادہ محمد بن سلمان نے بھی ایسا ہی ایک پیغام کمبوڈیا کے بادشاہ کو بھیجا۔
جنوب مشرقی ایشیائی ملک نے 9 نومبر 1953 کو فرانس سے آزادی کا اعلان کیا تھا۔
سیہامونی 2004 میں کمبوڈیا کے بادشاہ بنے تھے جب ان کے والد نورودوم سیہانوک نے تخت چھوڑ دیا تھا۔ 2012 میں سیہانوک بیماری کے باعث انتقال کر گئے۔
