فالکن نیلامی: ایک لاکھ 91 ہزار ریال میں دوباز فروخت

فالکن کلب کے تحت ریاض میں منعقد نیلامی میں ہفتہ اور اتوار کی درمیانی شب دوبازایک لاکھ 91 ہزار ریال میں فروخت ہوئے ہیں۔

سبق ویب سائٹ کے مطابق پہلے باز پر 40 ہزار ریال سے بولی کا آغاز ہوا  اور 91 ہزار ریال پر بولی بند ہوئی۔

دوسرے باز پر بولی 65 ہزار میں کھلی اور بڑھتے بڑھتے ایک لاکھ ریال پر بند ہوئی ہے۔

خیال رہے کہ فالکن کلب کے تحت بازوں کی نمائش اور نیلامی جاری رہتی ہے جس میں مقامی اور غیر ملکی شرکت کرتے ہیں۔

فالکن کی نیلامی میں مقامی افراد کے علاوہ بیرون ملک سے تعلق رکھنے والے فارم بھی شریک ہوتے ہیں۔

فالکن فروخت کرنے کے خواہشمندوں کو کلب کی طرف سے تمام سہولتیں فراہم کی جاتی ہیں جبکہ خریدنے والے کو باز کی ملکیت کا سرٹیفیکیٹ بھی فراہم کیا جاتا ہے۔

فالکن کی نیلامی کلب کے سوشل اکاؤنٹ پر براہ راست دیکھی جاسکتی ہے۔