کرپشن کے الزام میں 164 سرکاری ملازمین گرفتار

محکمہ انسداد کرپشن نے کہا ہے کہ رشوت اور منصب کے ناجائز استعمال کے الزام میں 164 سرکاری ملازمین کو گرفتار کیا گیا ہے۔

سبق ویب سائٹ کے مطابق محکمے نے کہا ہے کہ ’زیر حراست افراد کا تعلق وزارت داخلہ، وزارت تعلیم، وزارت صحت اور وزارت بلدیات سے ہے‘۔

’ادارے کے تفتیشی اہلکاروں نے نومبر کے دوران 1635 تفتیشی دورے کئے ہیں جبکہ 370 افراد سے تفتیش کی گئی ہے‘۔

محکمے نے کہا ہے کہ ’زیر حراست افراد میں سے بعض کو تفتیش مکمل کرنے کے بعد ضمانت پر رہا کردیا گیا ہے جبکہ ان کا کیس عدالت میں دائر ہے‘۔