سعودی عرب میں فلکیاتی اعتبار سے موسم سرما کا آغاز کب؟

فلکیاتی سوسائٹی جدہ کے صدر ماجد ابوزاھرہ نے کہا ہے کہ ’مملکت میں فلکیاتی حساب سے موسم سرما کا باقاعدہ آغاز سنیچر21 دسمبر سے ہوگا۔‘

مکہ مکرمہ کے وقت کے مطابق دوپہر 12 بج کر 20 منٹ پر سورج ’جدی مدار‘ کے عین اوپر ہو گا جو فلکیاتی اعتبار سے اس بات کی علامت ہے کہ موسم سرما کا آغاز ہو گیا ہے۔

اخبار 24 کے مطابق ماہر فلکیات انجینئرماجد ابوزاھرۃ نے مزید کہا’ موسم کی تبدیلی کرہ ارض کے اپنے محور اورسورج کے گرد گردش سے ہوتی ہے۔‘

ان کا کہنا تھا’ زمین کی سورج کے گرد گردش عمودی نہیں بلکہ 23.5 ڈگری کے زاویے پر ہوتی ہے جس کی وجہ سے شمالی اور جنوبی سمتوں کے آدھے حصے اس سورج کی براہ راست تپش سے قدرے دور ہو جاتے ہیں۔‘

انہوں نے واضح کیا کہ’ قطب شمالی کا حصہ سورج کی تپش سے قدرے دور ہوتا ہے اس لیے سورج کی براہ راست شعاعوں کا مرکز جنوب کی جانب ہوجاتا ہے جس سے خط استوا کے شمالی علاقوں میں دن 12 گھنٹے سے کم کا ہوتا ہے جبکہ جنوبی سمت کے علاقوں میں رات 12 گھنٹوں سے زیادہ کی ہوتی ہے۔‘