لبنان میں موسم سرما کے ملبوسات کی خریداری کےلیے کوپن تقسیم

سعودی ایجنسی شاہ سلمان مرکز برائے امداد و انسانی خدمات افغانستان، اردن، لبنان اور دیگر ملکوں میں  طبی خدمات کی فراہمی اور دیگر امدادی سرگرمیاں جاری رکھے ہوئے ہے۔

عرب نیوز کے مطابق اردن کے زعتری کیمپ میں سعودی امدادی ایجبنسی نے نومبر کے دوسرے ہفتے کے دوران دو ہزار 738 مریضوں کو طبی خدمات فراہم کیں۔

پاکستان سے واپس آنے والے افغان پناہ گزینوں اور  افغانستان سیلاب سے متاثرہ افراد میں 200 شیلٹرکٹس اور خیمے تقسیم کیے گئے جن سے ایک ہزار 200 افراد کو فائدہ پہنچا۔

لبنان کے عکر ریجن، بیروت، وسطی اور مغربی البقاع، مغربی البقاع اور یرمون کے علاقوں میں ملبوسات کی خریداری کےلیے 530 کوپن تقسیم کیے گئے۔

ان کوپن کے ذریعے ضرورت مند افراد منظور شدہ سٹورز سے اپنی پسند کے موسم سرما کے کپڑے خرید سکیں گے۔

یاد رہے کہ سعودی عرب کی جانب سے 1996 سے 2024 تک 133 ارب ڈالر انسانی بنیادوں پر امداد مہیا کی گئی ہے جس سے 170 ممالک کے ضرورت مند افراد نے فائدہ اٹھایا۔