اردن میں سعودی شہری کا قاتل کیسے پکڑا کیا؟

اردنی پولیس نے سعودی شہری کے روپوش قاتل کو بیرون ملک فرار ہونے سے قبل گرفتار کرنے میں کامیاب ہوگئی۔ ٹیلی فون کال سے اس کا سراغ لگایا گیا۔

سبق نیوز کے مطابق اردنی ذرائع کا کہنا ہے گزشتہ ہفتے اردن میں سعودی شہری زبن الشمری کے قاتل کو گرفتار کرنے کےلیے سیکیورٹی اداروں نے ادارہ خفیہ اور ماہر سراغ رسانوں کی خدمات حاصل کیں۔

 جنہوں نے الکرک کمشنری کی مکمل ناکہ بندی کرتے ہوئے موبائل کے ذریعے شہریوں کو پیغامات ارسال کیے جس میں انتباہ دیا گیا تھا کہ کوئی شہری مفرور قاتل کو پناہ دے اور نہ کسی قسم کی مدد فراہم کرے ۔

قاتل کے بارے میں معلومات ملنے پر فوری طورپر پولیس کو دینے کی بھی درخواست کی تھی۔

علاقے کی مکمل ناکہ بندی کی وجہ سے قاتل کے پاس کوئی پناہ گاہ نہ رہی جس پر ملزم نے پہاڑوں کا رخ کیا جہاں وہ ایک غار میں چھپ گیا۔

پولیس نے ایک موبائل گفتگو ریکارڈ کی جس کے ذریعے اس کی لوکیشن ٹریس کرکے غار کے گرد گھیرا تنگ کردیا۔ ملزم نے جائے فرار نہ پاتے ہوئے خود کو گرفتاری کے لیے پیش کردیا۔

واضح رہے سعودی شہری زبن الشمری سیر کے لیے اردن گیا تھا جہاں اسے ایک اردنی نے چاقو کے وار کرکے ہلاک کردیا تھا۔

ابتدائی رپورٹ کے مطابق سعودی اور اردنی کے درمیان پرانے اختلافات تھے جس پر اس نے انتقام لینے کے لیے قتل کیا۔

مقتول کے بارے میں علم ہونے پر سعودی سفارتخانے نے پولیس سے رابطہ کیا اور کیس درج کرنے کے بعد مقتول کی نعش مملکت منتقل کردی تھی۔