ہیروئن سمگل کرنے پر غیر ملکی کو سزائے موت

سعودی وزارت داخلہ نے کہا ہے کہ ہیروئن سمگل کرنے پرغیر ملکی شخص پر سزائے موت کا عدالتی فیصلہ نافذ کردیا گیا ہے۔

سعودی پریس ایجنسی کے مطابق وزارت نے کہا ہے کہ پاکستانی شہری امیر زادہ محمد جان کو ہیروئن سمگل کرتے ہوئے گرفتار کیا گیا تھا‘۔

’ضابطے کی کارروائی مکمل کرنے کے بعد مذکورہ شخص کو تمام شواہد اور ثبوت کے ساتھ عدالت میں پیش کیا گیا جہاں الزام ثابت ہونے پر اور زمین میں فساد پھیلانے پر سر قلم کرنے کی سزاسنائی گئی‘۔

’فیصلے پر اپیل کورٹ نے تصدیق کی اور ایوان شاہی نے سزانافذ کرنے کی منظوری دی ہے‘۔

وزارت نے کہا ہے کہ ’آج ہفتے کو مشرقی ریجن میں عدالت کا فیصلہ نافذ کردیا گیا ہے‘۔