ریاض میں عوامی مقام پر ہوائی فائرنگ کے الزام میں غیرملکی گرفتار

ریاض ریجن کی پولیس نے ایک غیر ملکی کو عوامی مقام پر ہوائی فائرنگ کے الزام میں گرفتار کیا ہے۔

اخبار 24 نے محکمہ امن عامہ کے حوالے سے بتایا لبنانی شہری کو ابتدائی قانونی کارروائی کے بعد پبلک پراسیکیوشن کے حوالے کردیا گیا۔

 واقعہ کی وڈیو بنانے اور اسے شوشل میڈیا پر شیئر کرنے والے شہری کے خلاف بھی کارروائی کی گئی۔

یاد رہے کہ سعودی پبلک پراسیکیوٹر نے مملکت میں سنگین جرائم کی فہرست جاری کی  تھی ان میں سے 25 ایسے جرائم ہیں جن کے ارتکاب پر گرفتاری ضروری ہوتی ہے۔

ان میں پبلک مقامات یا تقریبات میں فائرنگ۔ بندوق سے گولی چلانا یا دھمکی دینا یا نقصان پہنچانے کے لیے فائرنگ کا ارادہ ظاہر کرنا شامل ہیں۔