ریاض میں انسانی سمگلنگ میں ملوث 2 غیرملکی گرفتار

ریاض ریجن کی پولیس نے جنرل ڈیپارٹمنٹ آف کمیونٹی سیکیورٹی اینڈ کامبیٹنگ ہیومن ٹریفکنگ کرائمز کے ساتھ مل کر انسداد انسانی سمگلنگ کے جرائم کے قانون کی خلاف ورزی کرنے پر 2 غیر ملکیوں کو گرفتار کیا ہے۔

عاجل نیوز کے مطابق ریاض پولیس کا کہنا ہے کہ گرفتار ہونے والے غیرملکی یمنی ہیں۔ انہوں نے اپنی ہم وطن 8 یمنی بچوں کو پبلک مقامات اور سڑکوں پر گداگری کے الیے استعمال کیا تھا۔

ریاض پولیس کا کہنا ہے کہ  ان بھکاریوں کی نگرانی کی گئی اور اصل کارندوں تک پہنچنے کے لیے نشاندہی کے بعد فلیٹ پر چھاپہ مارا گیا اور وہاں سے دونوں غیرملکیوں کو گرفتار کیا گیا اور بچوں سے گداگری کرانے  سے حاصل ہونے والی رقم بھی ضبط کرلی گئی۔

ریاض پولیس کے مطابق دونوں غیرملکیوں کے خلاف کارروائی کے بعد انہیں پبلک پراسیکیوشن کے حوالے کردیا گیا ہے۔ امن عامہ فورس نے اس حوالے سے اپنے آفیشل اکاؤنٹ ایکس (ٹوئٹر) پر وڈیو بھی جاری کی ہے۔