خواتین کو با اختیار بنانے کےلیے 79 ملکوں میں ایک ہزار 72 منصوبے

سعودی امدادی ایجنسی شاہ سلمان مرکز نے خواتین کے عالمی دن کے موقع پر خواتین کی سپورٹ اور انہیں بااختیار بنانے کے لیے اپنے عزم کا اعادہ کیا ہے۔

ایس پی اے کے مطابق سعودی عرب نے شاہ سلمان مرکز کے ذریعے دنیا کے کمزور طبقات میں خواتین کو بااختیار بنانے کو ترجیح دی ہے۔

شاہ سلمان مرکز نے 79 ملکوں میں خواتین کو بااختیار بنانے کےلیے ایک ہزار 72 منصوبوں پر عملدرآمد کیا جن کی مجموعی مالیت 723.9 ملین ڈالر سے زیادہ ہے۔

ان اقدامات کا مقصد امداد کی فراہمی، معاشی مواقع کو بڑھانا، معاشروں کی تشکیل اور آنے والی نسلوں کی تعمیر میں خواتین کے کرادار کو مضبوط بنانا ہے۔

ان منصوبوں میں پروفیشنل اور کاروباری تربیتی پروگرام کے ذریعے یمنی خواتین کی مدد ، انہیں معاشی طور پر بااختیار بنانے اور مستقل آمدنی کےلیے اقدامات شامل ہیں۔