چیمپئنز ٹرافی کی ٹیم آف دی ٹورنامنٹ میں کوئی پاکستانی کھلاڑی جگہ نہ بنا سکا

آئی سی سی نے چیمپئنز ٹرافی 2025 کی ٹیم آف دی ٹورنامنٹ کا اعلان کردیا ہے۔

ٹیم آف دی ٹورنامنٹ میں کوئی بھی پاکستانی کھلاڑی جگہ نہیں بنا سکا۔

آئی سی سی کی جانب سے جاری کیے گئے ایک بیان کے مطابق چیمپئنز ٹرافی میں شریک آٹھ میں سے صرف تین ٹیموں کے کھلاڑی ٹیم آف دی ٹورنامنٹ میں شامل ہیں۔

12 رکنی ٹیم آف دی ٹورنامنٹ میں انڈیا کے چھ، نیوزی لینڈ کے چار اور افغانستان کے دو کھلاڑی شامل ہیں۔

ٹورنامنٹ کی دو سیمی فائنلسٹ ٹیموں جنوبی افریقہ اور آسٹریلیا کا کوئی بھی کھلاڑی ٹیم میں جگہ نہ بنا سکا۔

اس کے علاوہ میزبان پاکستان کا بھی کوئی کھلاڑی ٹیم آف دی ٹورنامنٹ میں شامل نہیں ہے۔

انڈیا کے وراٹ کوہلی، شریاس ایئر، کے ایل راہل، محمد شامی اور ورون چکرورتی ٹیم آف دی ٹورنامنٹ میں شامل ہیں۔

نیوزی لینڈ کے رچن رویندر، گلین فلپس، مچل سینٹنر اور میٹ ہینری بھی آئی سی سی ٹیم آف دی ٹورنامنٹ میں شامل ہیں۔

افغانستان کے ابراہیم زدران اور عظمت اللہ عمرزئی بھی ٹیم آف دی ٹورنامنٹ میں جگہ بنانے میں کامیاب رہے جبکہ انڈیا کے اکشر پٹیل کو ٹیم کا 12واں کھلاڑی منتخب کیا گیا ہے۔