سعودی ’ڈیوٹی فری شاپس‘ میں ریٹیل مارکیٹ کے لیے الواحہ کمپنی

سعودی پبلک انویسٹنمٹ فنڈ نے’ڈیوٹی فری شاپس‘ میں ریٹیل مارکیٹ کے لیے الواحہ کمپنی لانچ کی ہے جو ایئرپورٹس پر مسافروں کو بہتر خریداری کا سہولت فراہم کرے گی۔

الاقتصادیہ کے مطابق الواحہ سعودی عرب کی پہلی کمپنی ہے کہ جو ڈیوٹی فری شاپس کو آپریٹ کرنے اور اس کے انتظامات کی ذمہ دار ہوگی۔

پبلک انویسٹمنٹ فنڈ سے قائم کی جانے والی الواحہ کمپنی مملکت کے ایئرپورٹس اور بیرونی سفری چوکیوں پر قائم ڈیوٹی فری شاپس کے لیے سعودی عرب کی معیاری مصنوعات کو متعارف کرائے گی تاکہ مسافربہتر داموں پر مناسب اشیا خرید سکیں۔

پبلک انویسٹنمٹ فنڈ دنیا بھر کے بڑے و موثر فنڈز میں ہوتا ہے جس کے تحت 2017 سے اب تک  103 کمپنیاں قائم کی جاچکی ہیں۔

فنڈ کے تحت قائم کمپنی سعودی عرب کے ایئرپورٹس پر ڈیوٹی فری شاپس کا انتطام شروع کیا گیا ہے تاہم جلد اس کے دائرہ عمل کو وسیع کرتے ہوئے بری سرحدی چوکیوں پر بھی ڈیوٹی فری شاپس کا انتظام کیا جائے گا۔