سال رواں کا پہلا چاند گرہن جمعے کو، سعودی عرب میں نہیں دیکھا جا سکے گا

سال رواں کا پہلا مکمل چاند گرہن جمعہ 14 مارچ کو ہوگا تاہم سعودی عرب میں نہیں دیکھا جاسکے گا۔

عاجل نیوز کے مطابق فلکیاتی انجمن کے سربراہ انجینئر ماجد ابوزاھرہ کا کہنا ہے ’جمعے کو چاند گرہن قطب جنوبی اور مغربی کے علاوہ افریقا، مغربی یورپ، بحراوقیانوس ، امریکہ، بحر الکاہل، مشرقی اسٹریلیا، شمالی جاپان اور مشرقی روس میں دکھائی دے گا۔‘

ابو زاھرہ کا مزید کہنا تھا‘ دنیا میں  جس وقت چاند گرہن ہوگا، مکہ مکرمہ میں وقت کے مطابق صبح 6:57 سے دوپہر 1 بجے کے درمیان ہوگا۔‘

گرہن کا دوسرا مرحلہ جس میں چاند مکمل طور پر گرھن ہو گا وہ مکہ وقت کے مطابق صبح 9:25 سے 10:31 تک ہو گا۔

اس مرحلے میں چاند مکمل طور پر چھپ جائے گا اور اس کا رنگ کانسی یا سرخ دکھائی دے گا۔ رنگ کی تبدیلی سپیس میں موجود غبار کی کثرت سے ہوگی۔