سعودی قیادت نے مملکت میں ضرورت مند خاندانوں کی رمضان میں مالی معاونت کے لیے تین ارب ریال مختص کر دیے۔
خادم حرمین شریفین شاہ سلمان بن عبدالعزیز نے ولی عہد شہزادہ محمد بن سلمان کی سفارش کی منظوری دی ہے۔
سعودی خبررساں ایجنسی ایس پی اے کے مطابق ایوان شاہی سے جاری احکامات کے تحت سوشل سکیورٹی سسٹم میں رجسٹرڈ ضرورت مند خاندانوں کے لیے تین ارب ریال مخصوص کیے گئے ہیں۔
شاہی احکامات کے تحت خاندان کو ایک ہزار ریال جبکہ گھر کے ہر زیر کفالت فرد کو 500 ریال مالی معاونت کی مد میں دیے جائیں گے۔
مالی معاونت کی رقوم رجسٹرڈ بینک اکاونٹس میں منگل 18 رمضان سے منتقل ہونا شروع ہو جائیں گی۔
یاد رہے کہ بیوہ، یتیم، بے روزگار افراد، معمر اورمعذور سماجی کفالت سے مستفید ہونے والوں میں شامل ہیں۔
