عیدالفطر کی تعطیلات میں ہنگامی کاموں کے لیے جوازات کے دفاتر کا شیڈول کیا ہے؟

سعودی ڈائریکٹریٹ جنرل آف پاسپورٹ اینڈ امیگریشن ’جوازات ‘ نے عید الفطر کی تعطیلات اور ایمرجنسی بنیادوں پر کھولےجانے والے دفاتر کی نشاندہی کی ہے۔

عاجل نیوز کے مطابق جوازات کی جانب سے جاری بیان میں میں کہا گیا کہ ریاض کے ’حی الرمال‘ میں جوازات کے دفاتر رمضان میں 21:00 سے رات کے 1:00 بجےتک کام کریں گے۔

 جدہ کےصیرفی اور تحلیہ مال میں جمعہ 28 رمضان تک اوقاتِ کار 21:00 سے رات کے 2:00 بجے تک ہوں گے۔

مملکت کی دیگر کمشنریوں میں جوازات کے اوقات اتوار سے جمعرات تک صبح 10:00 سے 14.30 تک جبکہ حائل ریجن کے دفاتر دوپہر 12:00 سے 15:00 تک کام کریں گے۔

جوازات کا مزید کہنا ہے عید الفطر کی تعطیلات میں ہنگامی کام کےلیے ریاض کے الرمال آفس میں صبح 8 سے 14:30 تک کام ہوگا جبکہ حائل میں صبح 10:00 سے 14:00 تک  کھلیں گے۔

عید الفطر کے پہلے دن جوازات کے تمام ریجنل دفاتر میں سرکاری سطح پرعام تعطیل ہوگی۔