’یہ میری عید کی صبح ہے،‘ پاکستانی شوبز سٹارز عیدالفطر کیسے منا رہے ہیں؟
کبریٰ خان اور مرزا گوہر نے اپنی تصاویر کے ساتھ لکھا، ’ہماری حسین عید‘۔ فوٹو: انسٹاگرام
پاکستان بھر میں آج عید الفطر کا پہلا دن منایا جا رہا ہے۔ اس موقع پر شوبز ستاروں نے بھی اپنے مداحوں کے ساتھ خوبصورت تصاویر شیئر کیں اور مبارکباد کے پیغامات شیئر کیے۔
ماہرہ خان اور عائزہ خان سمیت نامور اداکاروں نے سوشل میڈیا پر عید کی مناسبت سے پوسٹس شیئر کیں۔
عائزہ خان نے گلابی رنگ کے کپڑوں میں اپنی تصویر شیئر کرتے ہوئے عید مبارک کا پیغام دیا۔
ماہرہ خان نے عید کی صبح کی تصاویر شیئر کیں اور ساتھ میں لکھا ’یہ میری عید کی صبح ہے، وعدہ کرتی ہوں تیار ہو کر عید کے جوڑے میں تصویریں کھینچوں گی۔‘
کبریٰ خان جن کی حال ہی میں شادی ہوئی ہے نے اپنے شوہر مرزا گوہر کے ساتھ تصاویر شیئر کیں اور لکھا، ’ہماری حسین عید۔‘
ڈیزائنر محسن نوید رانجھا کے لباس میں ملبوس اداکارہ اور ماڈل سحر خان نے بھی عید کے پیغام کے ساتھ اپنی تصاویر شیئر کیں۔
اداکارہ مومل شیخ نے اپنے شوہر اور بچوں کے ساتھ تصاویر شیئر کیں اور عید کا پیغام اپنے مداحوں کے ساتھ شیئر کیا۔
اداکارہ صبور علی نے اپنی ویڈیو شیئر کرتے ہوئے لکھا کہ عید آج بہت زیادہ خاص محسوس ہو رہی۔
پاکستان سمیت انڈیا، بنگلہ دیش، امریکہ، کینیڈا اور دیگر ممالک میں بھی آج عید منائی گئی۔
