وزیراعظم محمد شہباز شریف نے دورہ سعودی عرب کے پہلے دن سنیچر کی رات وفاقی وزرا اور افسران کے ساتھ مشاورتی اجلاس کیا۔
وزیراعظم ہاوس سے جاری بیان کے مطابق شہباز شریف نے سعودی حکومت کے ساتھ سرمایہ کاری کے حوالے سے پیش رفت پر متعلقہ وزارتوں سے بریفنگ لی۔
وزیراعظم نے وفاقی وزرا سے عالمی اقتصادی فورم میں پاکستان کے مؤقف کو بھرپور طریقے سے اجاگر کرنے کے حوالے سے بھی مشاورت کی۔
اجلاس کے دوران شہباز شریف نے کہا کہ’ پاکستان کی ترقی و خوشحالی کے لیے دن رات محنت کرنی ہے، سستی کی کوئی گنجائش نہیں، تیز رفتاری سے آگے بڑھنا ہے‘۔
ان کا کہنا تھا ‘سعودی سرمایہ کاری کے حوالے سے ایس آئی ایف سی کا کردار انتہائی اہم ہے‘۔
