واشنگٹن...امر یکہ میں پاکستانی سفیر اعزاز چوہدری نے کہاہے کہ پاکستان نے دہشت گردی کے خلاف جنگ میں بہت نقصان اٹھایا ہے۔اب الزام تراشیاں بند کی جائیں۔خطے میں استحکام کے لئے امریکہ کے ساتھ ملکرکام کرنے کوتیار ہیں۔انٹرنیشل انسٹی ٹیوٹ آف اسٹریٹجک اسٹڈیزسے خطاب کرتے ہوئے ا نہوں نے کہا کہ آپریشن ضرب عضب کے باعث فراردہشت گروں نے افغانستان میں پناہ گاہیں بنارکھی ہیں۔ اس کے ثبوت بھی موجود ہیں۔ افغانستان میں موجوددہشت گرددونوں ملکوں میں حملوں میں ملوث ہیں۔ بارڈرمینجمنٹ سے دہشت گردی پرقابو پانے میں مدد ملے گی ۔انہوں نے کہا کہ پاکستان افغان امن کی ہر کوشش میں پیش پیش ہے۔ کابل میں امن کا واحد راستہ مذاکرات ہیں۔ انہوں نے کہا کہ سی پیک عالمی سرمایہ کاری کی دلچسپی کا مرکز ہے۔ امریکی بھی پاکستان میں سرمایہ کاری کے بارے میں سنجیدہ ہیں۔ معاشی اشارئیے مثبت ہیں۔ دہشت گردی پر قابو پانے کے بعد پاکستان اب معاشی میدان میں استحکام کی جانب بڑھ رہا ہے۔
