اسلام آباد.. پاک فضائیہ کے سربراہ سہیل امان نے کہا ہے کہ پاکستان امن پسند ملک ہے اور خطے میں امن کے لئے کردار ادا کرتا رہے گا۔پی اے ایف اصغر خان اکیڈمی میں کی پاسنگ آوٹ پریڈ سے خطاب کرتے ہوئے ایئر چیف مارشل نے کہاکہ پاک فضائیہ قیام امن کے لئے اہم کردار ادا کررہی ہے۔ ہرقسم کے چیلنجز سے نمٹنے کی صلاحیت رکھتے ہیں۔ دہشت گردی کی جنگ میں پاک فضائیہ نے قربانیاں دی ہیں۔انہوںنے کہا کہ کویتی کیڈٹس کی کارکردگی سے متاثر ہوا ہوں، تربیت سے کیڈٹس کی پیشہ ورانہ صلاحیتوں میں اضافہ ہوگا۔ دونوں ممالک کی فضائیہ میں تعاون وسیع ہورہاہے۔ پاکستانی اور کویت فضائیہ کے تعلقات مزید فروغ پائیں گے۔ تقریب کے مہمان خصوصی کمانڈر کویتی فضائیہ میجر جنرل عبداللہ یعقوب جاسم نے کہا کہ پاکستان اور کویتی کے عوام مذہبی اور ثقافتی اقدار کے مضبوط رشتے سے جڑے ہیں۔دونوں ممالک کی فضائی افواج میں وسیع تعاون موجودہے۔ پاسنگ آوٹ پریڈ میں کویتی فضائیہ کے 12 کیڈٹ بھی شریک تھے۔
