ارکان سندھ اسمبلی اور وزراءکی تنخواہوں میں اضافہ

کراچی...سندھ اسمبلی کے ارکان، وزیراعلیٰ، اسپیکر و ڈپٹی اسپیکر، وزرا، مشیروں اور معاونین خصوصی کی تنخواہوں اور مراعات میں 300فیصد تک اضافہ کردیا گیا۔ سمری منظور ہوگئی۔ سرکاری خزانے میں مجموعی طور پر ماہانہ ڈھائی کروڑ اور سالانہ 25 سے 30 کروڑ روپے کا اضافی بوجھ پڑے گا۔ تنخواہوں و مراعات میں اضافے کا اطلاق جولائی 2016 سے ہوگا۔ ارکان اسمبلی، وزرا، معاونین خصوصی اور مشیروں کی تنخواہوں و مراعات میں 150 فیصد۔ وزیراعلیٰ سندھ ، اسپیکر اور ڈپٹی اسپیکر کی تنخواہوں و مراعات میں 300 فیصد اضافہ کیا گیا ہے۔ وزیراعلیٰ سندھ اور اسپیکر کی ماہانہ تنخواہ بڑھ کر ڈیڑھ لاکھ ہوگئی ۔گھر کے کرائے اور مرمت کی مد میں ماہانہ 1 لاکھ 40 ہزار روپے ملیں گے۔ وزرا اور مشیروں کی تنخوا ہ 30 ہزار سے بڑھ کر 75 ہزار روپے ہوگئی ۔دیگر مراعات بھی ملیں گی۔