محمد بن سلمان انٹرویو کی مزید تفصیلات

ریاض.... مشہور امریکی صحافی تھامس فریڈمین نے ولی عہد شہزادہ محمد بن سلمان کیساتھ ریاض کے قصر العوجا میں مفصل انٹرویو کی مزید تفصیلات جاری کی ہیں۔ انہوں نے اعتراف کیا کہ فی الوقت مشرق وسطیٰ میں سب سے اہم اصلاحات سعودی عرب میں ہورہی ہیں۔ ولی عہد شہزادہ محمد بن سلمان اصلاحات اوپر کے طبقے سے نیچے کے طبقے کی جانب نافذ کررہے ہیں۔ وہ اپنے یہاں اعتدال پسند اسلامی نمونے کی بحالی کیلئے کوشا ں ہیں۔ امریکی صحافی نے اعتراف کیا کہ مملکت میں جاری اصلاحات نہ صرف یہ کہ سعودی عرب کا منظر نامہ یکسر تبدیل کردینگی بلکہ دنیا بھر میں اسلام کا تصور بھی بدل ڈالیں گی۔ انہوں نے کہا کہ جو شخص اصلاحات مہم کا ساتھ نہیں دیگا وہ احمق ہوگا۔