نتیش کمار کا تیج پرتاپ پر طنز

پٹنہ۔۔۔۔۔بہار کے وزیر اعلیٰ نتیش کمار نے ہفتہ کو لالو پرساد کے بڑے بیٹے تیج پرتاپ یادو کے متنازعہ بیان پر نام لئے بغیر  طنز کرتے ہوئے ٹویٹ کیا کہ ’’بال بچوں اور رشتے داروں سے گالی دلوانی، سماجی خیر سگالی اور مشترکہ ورثے کی شاندار مثال ‘‘ ۔یادرہے کہ لالو کے بڑے بیٹے اور ریاست کے سابق وزیر صحت تیج پرتاپ یادو نے بہار کے نائب وزیر اعلیٰ سشیل کمار مودی کو گھرمیں گھس کر قتل اور وزیر اعظم نریندر مودی کی کھال ادھیڑنے کی دھمکی دی تھی۔عموماً ٹویٹر سے دور رہنے والے نتیش کمار آج کل ٹویٹر پرسرگرم  ہیں۔