بھوپال۔۔۔۔مدھیہ پردیش کے دارالحکومت بھوپال میں پولیس کی سائبر شاخ نے راجستھان کے شہر جے پور سے ایک انجینیئر کو گرفتار کیا ہے ۔دہلی سے انجینیئرنگ پاس کرکے لوگوں سے ویب سائٹ میں وڈیو واچنگ اور کمپنی کی ریٹنگ بڑھا کر پیسہ کمانے کے نام پررقم اینٹھ رہا تھا۔ پولیس نے بتایا کہ رمیش کمار پاٹل نے شکایت درج کرائی کہ گلنسر ڈاٹ کام نامی ویب سائٹ کے ذریعے کسی نامعلوم شخص نے اپنا نام وجے مشر بتا کر ویب سائٹ پر وڈیو واچنگ اور کمپنی کی رپلائی سائٹ جاری کرنے اور سائٹ کی ریٹنگ بڑھا نے کے سلسلے میں 21ہزار روپے کی ممبر شپ کے نام پر ہتھیا لئے۔ پولیس نے چھان بین کے دوران پتہ لگایا کہ جے پور کے رہنے والے وِویک شکلا کے ذریعے رمیش کمار پاٹل کو دھوکہ دیا گیا جسے پولیس نے گرفتار کرلیا۔
