عمران نے شادی کرلی تو اچھا کیا، شیخ رشید

 پشاور .... عوامی مسلم لیگ کے سربراہ شیخ رشید نے کہا ہے کہ کہ اگر عمران خان نے شادی کرلی ہے تو بہت اچھا کام کیا ہے۔ پشاور میں میڈیا سے بات کرتے ہوئے انہوں نے کہا کہ مجھے اس حوالے سے کوئی علم نہیں۔ یہ انکا ذاتی مسئلہ ہے اگر عمران خان نے شادی کرلی ہے تو بہت اچھا کام کیا۔ وہ میرے اچھے دوست ہیں جن پر مجھے فخر ہے۔ایک سوال پر انہوں نے کہا کہ 10 جنوری سے 10 فروری ملکی سیاست کےلئے اہم دن ہیں۔حدیبیہ، عزیزیہ، پاناما اور دیگر کیسز میں نامزد چور پکڑے جائیں گے اور جیل کی سلاخوں کے پیچھے ہونگے۔ ملک کی تقدیر بدلنے جارہی ہے اورعوام کو بہت جلد خوشخبری سنائینگے۔