اے ڈی خواجہ کو آئی جی سندھ برقرار رکھنے کا حکم
جمعرات 18 جنوری 2018 3:00
اسلام آباد.... چیف جسٹس ثاقب نثار کی سربراہی میں سپریم کورٹ کے 3 رکنی بنچ نے آئی جی سندھ اے ڈی خواجہ کی تبدیلی سے متعلق سندھ ہائی کورٹ کے فیصلے کے خلاف صوبائی حکومت کی اپیل کی سماعت کی۔ سماعت کے دوران سندھ حکومت کے وکیل نے موقف اختیار کیا کہ سندھ ہائی کورٹ نے پولیس ایکٹ 2011 ءکو آئینی قراردیا۔ سندھ ہائی کورٹ نے آئی جی کو پولیس میں تبادلوں کا اختیار بھی دےدیا۔ چیف جسٹس نے ریمارکس دیئے کہ سندھ ہائی کورٹ نے انتہائی خوبصورت فیصلہ دیا ہے۔یہ فیصلہ 2،3 بار پڑھنے کے لائق ہے۔سپریم کورٹ نے ہائی کورٹ کے فیصلے کے خلاف صوبائی حکومت کی اپیل سماعت کیلئے منظور کرتے ہوئے اے ڈی خواجہ کو آئی جی سندھ برقرار رکھنے کا حکم دیدیا۔ سپریم کورٹ نے اپنے حکم میں کہا کہ سندھ میں آئی جی کی تقرری کامعاملہ عدالتی فیصلے سے مشروط ہوگا۔ تقرری کے معاملے پر وفاقی حکومت کے کسی اقدام کی کوئی حیثیت نہیں ہوگی۔
