اسلام آباد... پیپلز پارٹی کے چیئرمین بلاول بھٹو زر داری نے کہا ہے کہ پاکستان کی فوج میری فوج ہے ¾کوئی وجہ نہیں بنتی کہ اپنی بہادر فوج پر تنقید کروں۔ ڈیوس میں ہندوستانی میڈیا کو انٹرویو میں بلاول نے کہا کہ لوگوں کو مذہبی بنیادوں پر تقسیم کرکے الیکشن پر الیکشن جیتنا کامیابی نہیں۔ پاکستان میں یہ تاثر ہے کہ ہند اپنے سکیولر تصور سے انتہاپسندی کی جانب بڑھ رہا ہے۔گجرات فسادات کے بعد مودی جی کی شخصیت کو پاکستان میں متنازع طور پر دیکھا جاتا ہے۔ہند لاکھ چھپائے سوشل میڈیا کے ذریعے کشمیر میں ہونے والا ظلم دنیا دیکھ رہی ہے۔ بلاول نے کہا کہ ٹرمپ کی پاکستان سے متعلق ٹوئٹ میں اعداد و شمار غلط تھے۔ ایک سو ال پر انہوں نے کہا کہ شہباز شریف اور عمران خان اپنے انداز میں سیاست کرتے ہیں مگر میں اپنی والدہ کی سیاست کو آگے بڑھاونگا۔
