اسلام آباد..مشیر قومی سلامتی ناصر جنجوعہ نے کہا ہے کہ خطے میں خلفشار کے باعث مدارس کو کسی اور تناظر میں دیکھنا درست نہیں ۔ مدارس میں تعلیمی اصلاحات کر کے مدارس سے فارغ التحصیل طلبہ کو قومی دھارے میں لانے کی ضرورت ہے۔ وفاق المدارس کے ساتھ مل کر مدرسہ ریفارکافی کام کر لیا ۔ صرف قانونی شکل دینا باقی ہے۔ پاکستان ، افغانستان میں مدارس کے کردار پر سیمینار سے خطاب کرتے ہوئے انہوںکہا کہ مدارس غریب لوگوں کے بچوں کو پڑھانے کا بہترین ذریعہ ہیں ۔ مدارس میں اسلامی تعلیمات کی روشنی میں تعلیم دی جاتی ہے ۔ مدارس میں تعلیمی اصلاحات کی ضرورت ہے ۔وفاقی المدارس کے ساتھ مل کر مدرسہ ریفارمز مکمل کر چکے ہیں۔ اب صرف قانونی شکل دینا باقی ہے ۔ طے کر چکے ہیں کہ مدارس کے طلبہ بھی وہی پڑھیں گے جو اسکول اور کالجز کے طلبہ پڑھتے ہیں ۔ مدارس کے طلبہ بھی اعلی تعلیم حاصل کر سکیں گے۔ انہیں بھی وہی مواقع حاصل ہوں گے جو دیگر طلبہ کو حاصل ہیں۔
