لا لیگا: رئیل میڈرڈ تیسرے نمبر پر پہنچ گئی،لیگانیس کو 3-1سے ہرا دیا

میڈرڈ:اسپین کے فٹبال ٹورنامنٹ لا لیگا میں ریئل میڈرڈ کی ٹیم تیسری پوزیشن حاصل کرنے میں کامیاب ہو گئی ۔ دوسرے درجے کی ٹیم لیگانیس کے خلاف میچ کے دوران خسارے میں جانے کے بعد ریئل میڈرڈ کھیل میں واپس آئی اور ایک کے مقابلے میں 3گول سے کامیابی سمیٹ لی۔ کرسٹیانو رونالڈو نے اس میچ میں شرکت نہیں کی۔ اپنے ہوم گراﺅنڈ پر ہو نے والے پیچ میں ریئل میڈرڈ کو اس وقت دھچکا لگا جب حریف کھلاڑی یونائی بسٹینزا نے چھٹے ہی منٹ میں گول کر اپنی ٹیم کو برتری دلادی تاہم ریئل میڈرڈ کے لوکاس ویزکز نے5منٹ کے بعد ہی میچ برابر کردیا جبکہ 29ویں منٹ میں کیسیٹیرو نے ریئل میڈرڈ کو برتری دلائی ۔ دوسرا ہاف بغیر کسی گول برابر کھیلا جارہا تھا کہ آخری منٹ میں میزبان ٹیم پنالٹی کک ملی جسے رونالڈو کی عدم موجودگی میں کپتان سرگیو راموس نے گول میں بدلتے ہوئے مقابلہ3-1کردیا۔ اسی اسکور پر میچ بھی اختتام کو پہنچا اور اب ریئل میڈرڈ پوائنٹس ٹیبل پر تیسرے نمبر پر آچکی ہے ۔ ریئل میڈرڈ اب بھی اپنی روایتی حریف بارسلونا سے14پوائنٹ پیچھے ہے ۔بارسلونا اس مرتبہ یہ لیگ جیتنے کے لئے فیورٹ سمجھی جا رہی ہے۔